Angelababy遇火灾：听说把桥给烧塌

女星Angelababy更新了微博，她表示遇到了火灾，并上载了多张现场照片，留言：“经过大火附近，听说把桥给烧塌了一小段。怪吓人的，希望没有人受伤。”照片中能看到浓烟滚滚，火势很大，经过的司机纷纷放慢速度朝发生火灾的方向望去,网友纷纷留言“Baby人美心善”、“希望没人受伤，女神注意安全”。

周柏豪唔知自己乜风格　迷惘几年唔识行

歌手周柏豪接受电台访问，讲到他出道十年，他坦言曾经历迷惘期：“入行第三、四年唔知自己音乐风格系咩，搵唔到唔知去边好，觉得点样先可以满足观众又可以做得开心，最后发现一个音乐人其实唔需要搵自己属于边类，每个人都系独特，每个人都有自己style，所以就系做自己。（搵人问意见？）每个人都有好多意见，最后都系自己妥协。”他亦谓自己做任何事都要有计划，不能即兴，讲到将于下月举行演唱会，他表示近日忙于拍剧之馀，都落力筹备个唱：“会谂今次演唱会想喺里程碑写下啲咩。”

张国荣离世14年　挚爱唐鹤德发文怀念

2003年嘅4月1日，香港巨星张国荣离开咗大家，相隔14年，大家对张国荣的思念未有减退，唔少人趁住今日4月1日，都喺社交网发文甫相悼念已故巨星张国荣，当中包括周慧敏及王宗尧等，周慧敏更甫出同张国荣嘅合照。而张国荣的挚爱唐鹤德，亦有在社交网甫相并留言怀念张国荣：「夜天花板有这段戏，总关不上心里的放映机.....」

高飞病逝　钱嘉乐叹可惜：电影界嘅损失

资深动作演员高飞近日病逝，曾任监制、导演、武师、演员等的他，与圈中不少艺人也很熟络，原来梁烈唯与高飞亦关系密切，他接受媒体访问时谓：「高飞同我大伯、爸爸都认识，系我uncle，之前我去大埔睇波，佢咁啱都喺度，所以就地影咗张合照。张相当时系2014年4月影嘅，当时佢搞紧联赛，仲问我有冇兴趣踢。

而与高飞相识三十年的钱嘉乐，目前身在欧洲拍电影，但当收到对方离世消息，亦感愕然和大叹可惜，他接受媒体访问称：“我哋都识咗三十年啦，我依家喺欧洲拍紧电影，都系呢两日收到啲朋友嘅消息先知，十分可惜！（印象如何？）佢成日同洪家班合作，亦系明星足球队队友，成日见面，但近年各有各忙就少见咗，收到呢个消息好愕然！佢嘅离世，对电影界尤其动作电影系一个损失，佢好努力，贡献咗好多！（会向其家人施援手？）依家我喺外国未详细了解到，但我都叫咗武师公会一班手足去了解情况，睇佢家人有冇嘢需要帮忙，一定全力帮手！”

而香港动作特技演员公会副会长梁小熊，表示这几年高飞没有出席公公会的活动，不清楚高飞是否会员，要经查核过才能认证：“不过如果有朋友需要帮忙，我哋绝对义不容辞。”

郑希怡做《溏心3》富豪：多谢无线优待

艺人郑希怡（Yumiko）现身时装活动，她透露刚才拍摄无线电视剧《溏心风暴3》，并在剧中饰演女富豪，她感谢获无线优待说：「我喺剧中坐直升机同名车，又有保镖，用咗好多Budget，好荣幸。（有冇出动私伙靓衫？）有，黄伊汶仲赞助我服装、手表同首饰。（拍剧有冇影响你凑小朋友？）冇，因为我只系客串，时间唔长，每日拍几个钟，系最靓嘅状态，而且仲可以见番好多朋友，好似张卫健、刘心悠。」

Yumiko称距离上次拍剧已经九年，问到会否不习惯？她称不会：「心态唔同，觉得自己做戏比以前好，更加放。（有冇上瘾？）都会，今次拍剧自由度好大，会大家商量点样做得更好，好有乐趣，大家合作好开心。」

提到好友叶佩雯（Grace）因荷尔蒙失调引致体形暴胀一事，Yumiko坦言Grace的病也有一段时间：「希望佢快啲搵到好嘅医生，虽然佢老公锺意佢有啲有肉地，但身体都紧要，要快啲调理好。（有介绍医生或者食疗畀佢？）叫我煲嘢食就帮唔到佢囉！如有啱嘅医生都会介绍，但唔敢乱咁介绍，希望佢快啲调理好，生个BB。（佢应该唔会生？）呢个世界好多意外。」

包场睇戏兼变脸　陆诗韵认有打针做微调

艺人陆诗韵（Sharon）出席“第三届衍生奖学金启动礼”，与大家分享励志故事，她坦言自己小时候亦是住在深水埗，是草根出生，不是富贵家庭。

提到近日Sharon被指变脸兼富贵包场请朋友睇戏，她笑说：“好闷呀，已经讲过好多次，我个样唔同咗要多谢大家先，即系我个样靓咗，同埋我做紧护肤品生意，当宣传啰。咁女大十八变，识打扮，无可厚非会有啲出入。”又坦言曾有打针作微调，例如瘦面，因她当时为医学美容做代言：“好微嘅啫，要做手术嗰啲我就觉得冇咁嘅需要，每个女仔都想靓，但我觉得唔可以冇咗自己嘅框架。”

至于被指富贵包场，Sharon谓经常被指突然富贵，而她身边的人就被指是富豪：“好彩我身边嘅男士唔介意，大家得啖笑，我富贵就唔包咁细嘅场，直头喺我嘅影院睇啦，如果有嘅话。”又指因身边很多朋友想睇同一套戏，所以才包场，而且约20人观看费用只需4千港元：“一件咁健康嘅嘢，出到嚟变咁样，我食晒。”问到可有被问价？她指有人曾以7位数邀她接Job：“问佢系咩性质嘅工作，佢净系话食饭、行街，我就会婉拒，我唔信有咁大只蛤乸随街跳！”

☞转载授权微信：lama129

☞ 商务QQ：1900556960

☞投稿邮箱：tghkchannel@163.com