黎明红馆演唱会 郑秀文：成功打开了Leon的腿

黎明一连九场的红馆演唱会前晚（10/07）开锣，昨晚第二场请来郑秀文担任嘉宾。Sammi唱出《信者得爱》，笑言成功打开了Leon的腿和脚，令他㷫烚烚疯狂起舞，「黎生跳舞！好狂野！城城见到应该会双腿发软怯一怯。（I’m just kidding la!!城城是the best舞王）Mi在台上忍唔住狂笑，Leon跳舞，Mi唱歌，哈哈！今晚好好玩。」

Sammi再踏红馆，份外有感觉，笑言在红馆的走廊找回自己曾留下的脚毛，「脑里马上浮现两年前在这里兴奋举行《Follow mi》，想起跟全场观众一起疯狂舞动，疯狂high，真的超开心，有几多俾几多的感觉。」

Sammi喜欢运动，时常分享满头大汗片段到社交平台，她一出场，Leon就跟她分享「出汗」心得，他说：「Sammi，你做运动Keep Fit好勤力，我见你流好多汗。咁你知唔知我点Keep Fit？（你有Keep过 Fit咩？）有。（系喎，Fit咗喎！）我系用日本风吕式。（即系点？）首先开个Bath。（除唔除衫？）除衫，然后浸落去。（哗，好有画面喎！）谂住自己喺日本，听风吕音乐浸20分钟，起身着返件浴袍，房入面开28度空调，食碗辣面，坐15分钟，成身流晒汗，肯定冇咗3至4磅。（包你流埋鼻血添呀！）唔会啩？（每个程序都咁热辣辣。）」Sammi笑说：「又浴缸又除衫，好有画面⋯⋯见到你啲肥肉呀！依家冇，依家好Fit！」Leon说：「肥肉会慢慢变少，水份嚟啫！」

Leon再向Sammi请教节食减肥，他说：「有啲人减肥，每日只食一粒豆，你有冇试过？」Sammi说：「一粒豆？减肥？呢个唔系减肥法，系减寿法喎！一日一粒豆真系唔掂，起码食两粒，早晚各一粒，饱啲！」全场爆笑。续说：「好多人都以为我不断减肥，其实我依家做嘅功课唔系减肥系Keep Fit，做运动和食得健康，最紧要健康，肥嘅瘦嘅都唔紧要。今日嚟到呢个舞台见到你，依然咁靓仔！」

讲到兴起，Sammi爆料：「我要爆黎明少少嘢，佢唔知由几时开始个人好飘，好迷离。几年前佢打电话俾我，话想帮我监制一首歌。我心谂：乜你识监制歌嘅咩？心裹满是疑问，不过见你系黎明就好啦！然后你搵咗你老友又系我老友Mark（雷颂德）帮我写咗首歌《犀利》，我记得你仲话要帮我拍MV。MV？于是我上网查吓你拍过咩MV。点知有一日，你又话我知唔得闲，唔帮我拍MV啦！哗，乜你咁飘架？你啲节奏好难跟呀！」Leon坦言：「我知我成日讲嘢断片，生活都系咁。（啲人话生咗仔会无记性。）又唔系我去生。（生女可能会好啲。）可能系，哈哈哈！」合唱前，Sammi扁咀话本来想唱新歌，但Leon却指定唱另一首，Leon立即转话题：「Sammi新MV好正，我好期待，听讲拍咗20个钟。」Sammi说： 「系，好贵！唔系话贵一定好，但好有诚意！（贵一定有诚意）有时唔贵就用诚意搭够⋯⋯哎吔，我唔够你讲，我要唱歌啦！」